Hér þarf ekki að fjölyrða um ástæðurnar fyrir því að ríkiskirkja sé forneskja sem eigi ekki heima í okkar þjóðfélagi. Þessi mikla fækkun talar sínu máli - og hún nálgast á aðeins einu ári gullinn þröskuld fimmþúsund úrsagna, sem þýða fækkun um einn prest á fóðrum hjá ríkissjóði.

Skriðan er farin af stað. Fyrir nokkrum árum fullyrtu gapuxarnir að "90%" landsmanna væru "kristnir" í einhverri óskilgreindri merkingu þess orðs. Þeir eru hættir því. Fljótlega fara þeir að fullyrða að tveir af hverjum þremur séu kristnir. Eftir nokkur ár í viðbót munu þeir segja að annar hver maður sé kristinn. Og þetta verður pínlegra og pínlegra fyrir þá.

Á nokkrum árum skráði trúfélagsleiðréttingarherferð Vantrúar næstum 1400 manns úr ríkiskirkjunni. Það var auðvitað töluverð handavinna, en alls ekki erfið, enda auðvelt að finna fólk sem hafði lengi ætlað að skrá sig úr kirkjunni en ekki komið því í verk. Af þeirri reynslu að dæma er af nógu að taka áður en þessi skriða hættir að renna.

Aldrei hafa eins margir skráð sig úr ríkiskirkjunni á einu ári og nú. Jafnvel þótt hreyfingin yfir til zúista, yfir þúsund manns, væri dregin frá, er fækkunin samt sú næstmesta á einu ári sem við höfum séð.

Ríkiskirkjan er í frjálsu falli. Hún fellur svo hratt að áhugafólki um  samsæriskenningar um 11. september gæti dottið í hug að það hafi verið komið fyrir sprengiefni í henni. Hér eru þó einfaldari skýringar nærtækari: fólk trúir ekki lygasögunum, hefur engan áhuga á starfinu og hefur fengið nóg af hneykslunum.

Þannig að ef þið hafið ekki komið því í verk að skrá ykkur úr ríkiskirkjunni, drífið þá í því. Hér utan kaldra múra hennar er nóg pláss, sólin skín skært og gleðin er við völd.

Árið 2015 var metfækkun í ríkiskirkjunni. Sláum þetta met.

Skráið ykkur úr ríkiskirkjunni!

Sú "umönnun" sem móðir Teresa veitti fátæku, helsjúku fólki snerist um að "bjarga því frá helvíti" með því að skíra það til kristni og stytta svo dvöl þess í "hreinsunareldinum" með því að láta það taka út sem mestar þjáningar áður en það dæi. Í hennar umsjá kvaldist og dó fólk sem hefði verið hægt að lækna. Að taka þessa skrukku í dýrlingatölu er fráleitt en vissulega mjög í anda kaþólsku kirkjunnar. Lesið sígilda grein Vantrúar: "Goðsögnin um Móður Teresu".

	Móðir Teresa verður dýrlingur
Ábyrgðarmaður færslu Tilkynna um óviðeigandi tengingu við frétt

Snorri Óskarsson vann málið sem Akureyrarbær höfðaði gegn honum og er það vel, enda er Snorri saklaus. Hann gerði ekki annað en vitna í texta sem er opinber hugmyndafræði kirkjunnar sem er stjórnarskrárvarin sem "þjóðkirkja" á Íslandi.

Nú má vera að það segi eitthvað um Snorra sjálfan, að hann skuli velja þennan viðbjóð til að vitna í - hér verður ekki farið út í þá sálma - en það sem er að, er að íslenska ríkið skuli hampa þessum sama viðbjóði og ganga svo langt að verja hann í stjórnarskrá.

Hér þarf að skera á milli. Lygi og heimska eiga ekki að vera á helgistalli lengur. Þar eiga sannleikurinn og mannkærleikurinn heima.

Sjá tengda færslu á vefritinu okkar: Stjórnarskrártrúin og Snorri í Betel.

	Snorri hafði betur gegn Akureyrarbæ
Ábyrgðarmaður færslu Tilkynna um óviðeigandi tengingu við frétt

Kírópraktík er tegund af skottulækningum og þótt þessi Magni sé með módel og myndir af anatómíu mannsins á veggnum, þá stendur greinin á veikum grunni -- og ekki vísindalegum. Þótt nudd og ráðleggingar um heilsusamlegan limaburð geti gagnast flestum, þá eru sjálfir hnykkirnir glannaskapur sem fólk ætti að forðast. Spyrjið bara bandarísku fegurðardrottninguna Kristi Bedenbaugh - hún lést árið 1993 eftir áverka á hálsi sem hún hlaut þegar hún leitaði til kírópraktors í staðinn fyrir að fara til læknis. Hver trúir annars á "92% árangur"?

Ef þið eruð að hugsa um að fara til kírópraktors, lesið þá fyrst um gagnrýni á kírópraktík t.d. á Skeptic.com: Fatal Adjustments, Hos Chiropractic Kills eða á Wikipediu: Chiropractic controversy and criticism.

Þessi óábyrga, ógagnrýna "frétt" um kírópraktík ber sterkan keim af markaðssetningu, eins og er því miður svo algengt í poppfréttamennsku um "heilsu". Ætli höfundur fréttarinnar hafi fengið eitthvað fyrir sinn snúð?

	92% ná árangri hjá kírópraktor
Ábyrgðarmaður færslu Tilkynna um óviðeigandi tengingu við frétt

Hér er uppástunga að nútímavæðingu helgidagalaganna: Fella einfaldlega öll lögin úr gildi.

	Ferðamenn þyrftu að hafa nesti
Ábyrgðarmaður færslu Tilkynna um óviðeigandi tengingu við frétt