Rökleysur sköpunartrúmanna

Sköpunartrúin hefur hafið innreið sína til Íslands og hafa aðventistar m.a. haldið fyrirlestra með erlendum fyrirlesurum um hvernig útskýra má Nóaflóðið út frá kenningum jarðvísindanna og hvernig renna megi „vísindalegum“ stoðum undir ungan aldur jarðar skv. tímatali Biblíunnar.

Hér eru tvær greinar sem taka á sköpunartrú sem birst hafa á Vantru.is:

Sköpunarsagan snýr aftur

og svo önnur í gamansamari dúr:

Hvernig skal rökræða við sköpunarsinna

Fleiri greinar um vísindi og trúmál má finna undir flokknum „Vísindi og trú“ á Vantrúarvefnum.

Grænsápubiblían

Það er ljóst að í nýju þjóðkirkjuþýðingunni, hinni svokölluðu Grænsápubiblíu, mun Þjóðkirkjan breyta hlutum sem fara fyrir brjóstið á henni. Til dæmis mun Jesús ekki lengur segja :

"Ef einhver kemur til mín og hatar ekki föður sinn og móður, konu og börn, bræður og systur og enda sitt eigið líf, sá getur ekki verið lærisveinn minn." (Lk 14:26)

Nei, þetta getur ekki passað við fjölskyldistefnu Þjóðkirkjunnar. Þess vegna segir Jesús núna:

"Enginn getur komið til mín og orðið lærisveinn minn nema hann taki mig fram yfir föður og móður, maka og börn, bræður og systur og enda yfir eigið líf."

Vantrú hefur ákveðið að hjálpa Þjóðkirkjunni við að "leiðrétta" biblíuna enn meir, til dæmis leggjum við til að þessi orð Jesús:

Síðan mun hann segja við þá til vinstri handar: ,Farið frá mér, bölvaðir, í þann eilífa eld, sem búinn er djöflinum og árum hans. (Mt 25:41)

Verði breytt í:

Síðan mun hann segja við þá til vinstri handar: ,Farið frá mér, elskurnar mínar, í þá eilífu myndrænu líkingu á aðskilnaði frá Guði, sem búin er táknrænni myndlíkingu hins illa og árum hennar.

„Biblía 21. aldarinnar“

María Sigurðardóttir miðill - Besti svikamiðill á Íslandi?

Við viljum vekja athygli á grein dagsins þar sem Vantrú flettir ofan af Maríu Sigurðardóttur sem margir vilja meina að sé besti miðill Íslands.  Ef þið lesið bara eina grein á netinu í dag,lesið þá þessa.  Látið orðið ganga.

Vantrú.is

Hvaða vísindi?

Afskaplega er kjánalegt að nota heitið Vísindakirkjan á þetta költ. Scientology tengist vísindum náttúrulega ekki á nokkurn máta. Það væri þarfaverk ef Morgunblaðið myndi fjalla ítarlega um þennan söfnuð áður en hann gerir tilraun til að koma sér fyrir hér á landi.

Ítarefni

• Díanetík og Vísindaspeki
• Vísindaspekin og kristin trú
• Tom Cruise er Úlfur í sauðagæru (Fjallað um morgunblaðsgrein frá 2004)

Vantrú.is

Tom Cruise er „Kristur“ Vísindakirkjunnar

Dómsdagskölt

Málið er ekki flókið, kristnir söfnuðir eru dómsdagskölt.

Vantrú.is

Danskir prestar sjá merki þess að heimsendir sé í nánd

Heimur batnandi fer

Það er ánægjulegt að fylgjast með þessari þróun. Ljóst má vera að óeðlilega margir íslendingar eru skráðir í Þjóðkirkjuna. Það fyrirkomulag sem hér ríkir, þar sem börn eru sjálfkrafa skráð í trúfélag móður og fólk þarf að hafa fyrir því að breyta skráningunni, er Þjóðkirkjunni mjög í hag. Fyrir utan svo allt fólkið sem hefur verið skráð í Þjóðkirkjuna þvert á eigin vilja

Vantrú aðstoðaði um þrjúhundruð manns við að leiðrétta trúfélagaskráningu sína í fyrra. Stefnan er sett á að gera betur í ár. Það hlýtur að vera allra hagur (fyrir utan Þjóðkirkjan) að trúfélagaskráning gefi rétt mynd af trúarskoðunum þjóðarinnar. Meirihlutagoðsögnin er nefnilega ansi lífseig hér á landi

Vantrú

Skráðum í Þjóðkirkjuna fækkar hlutfallslega jafnt og þétt

Sunnudagavinaleið

Nú hafa sveitarfélögin og félagið Vantrú komist að samkomulagi að starfsmaður Vantrúar verði hluti af starfi Kirkjunnar. Þannig mun starfsmaður Vantrúar fá fría skrifstofuaðstöðu í öllum safnaðarheimilum Kirkjunnar. Einnig mun starfsmaðurinn fá aðstöðu alla sunnudaga í kirkjum eftir þörfum. Sérstök áhersla verður á að starfsmaður Vantrúar taki börn tali í sunnudagaskóla og taki þátt í almennu barnastarfi Kirkjunnar. Einnig mun starfsmaðurinn vera viðstaddur fermingafræðslu og aðstoða sóknarprestinn með námsefni.

Lesa meira...

Enn eitt dæmið um skaðsemi trúarhugmynda

Er þetta ekki enn eitt dæmið um skaðsemi trúarhugmynda? Trúarhópar mótmæla því að hópi fólks sé ekki mismunað! Trúarsannfæring þeirra er sú að það verði að mismuna fólki. Tilraunir til að koma í veg fyrir mismunun eru árás á trú þeirra. Þetta er náttúrulega ekkert annað en klikkun.

Hmm. Dettur einhverjum í hug Þjóðkirkjan og giftingar samkynhneigðra?

• Nokkrar skaðlegar trúarskoðanir
• Karl biskup berst gegn trúfrelsi

Trúarhópar mótmæla í London

Saga jólaguðspjallsins er fráleit

Það er rétt sem biskup segir, saga jólaguðspjallsins er fráleit og stenst enga rýni. Enda er jólaguðspjallið skáldskapur en ekki sagnfræði.

Fyrir nákvæmlega einu ári birtist á Vantrú opið bréf til biskups um þetta efni.

Meira um jólin á vantru.is.

Biskup Íslands: Jesúbarnið vantar hæli í heiminum okkar

Hvað er kristið siðgæði?

Mikið væri nú gaman ef boðendur kristins siðgæðis kæmu hingað og útskýrðu fyrir okkur í hverju það felst. Er kristið siðgæði eitthvað frábrugðið almennu siðgæði, eins og því sem trúlausir, hindúar, múslimar, ásatrúarmenn og búddistar ástunda, svo einhverjir aðrir hópar en kristnir séu nefndir?

Lesa meira...