Tunglið næstum nýtt

„Hvort það er tunglstaðan eða eitthvað annað skal ég ekki segja“.

Svona skýringar ná skammt enda hefur staða tunglsins ekkert með það að gera hvort allt sé brjálað á vaktinni hjá lögreglunni.

Í dag eru um 10 dagar liðnir frá síðasta fulla tungli.

Lesa má meira um áhrif tungls á vefnum Vantrú.is.

Fangageymslur fullar í Reykjavík í morgun; miðbæjargestir viðskotaillir

Óupplýstir Danir - eru Íslendingar skárri

Ætli trú á hindurvitni sé ekki ósköp svipuð hjá Íslendingum?

Það er merkilegt hve harðorður Henrik Dahl er, ekki hafa Íslenskir fræðimenn þorað að hafa jafn hörð (og sjálfsögð) orð um hindurvitnatrú landans. Hér á landi virðist vera þegjandi samþykki um að ekki megi gagnrýna hindurvitni.

 

félagsfræðingurinn Henrik Dahl segir niðurstöðurnar staðfesta það að margir Danir séu einfaldlega óupplýstir, og eigi erfitt með að sætta sig við að við séum ein í geysimiklum alheimi, sem hafi engan sérstakan tilgang

Þessi orð eiga líka við um Íslendinga. Í Fasteignablaði Morgunblaðsins í dag er t.d. viðtal við Feng Shui sérfræðing sem ráðleggur fólki með uppröðun húsgagna. Já, nóg er til af kjaftæðinu.

 

Það er vert að minna á draugabanaþjónustu Vantrúar af þessu tilefni.

Ítarefni:

• Af hverju ætti allt þetta fólk að ljúga?
• Stjörnuspeki
• Geimverutrú
• Geimverutrú
• Sjálfsblekking
• Staðfestingartilhneigingin

Helmingur Dana trúir á drauga

Á að virða trúarskoðanir?

Þetta er áhugavert, þessi trúfélög hafa tekið sig saman um að stuðla að umburðarlyndi sín á milli.  Staðreyndin er samt sú að flest eiga þau ekkert sameiginleg hvað varðar hindurvitni sín, annað en að boða einhver hindurvitni.

Í fréttinni er talað um fólk af ólíkum lífsviðhorfum.  Samt vantar fulltrúa fjórðungs þjóðarinnar ef miðað er við rannsókn sem Þjóðkirkjan gerði á trúarviðhorfum Íslendinga. 

 Rúmur fjórðungur þjóðarinnar guðlaus

Annars hafa trúfélög yfirleitt undarlega hugmynd um umburðarlyndi. Þeirra viðhorf virðist vera að ekki mega gagnrýna trúarhugmyndir. Það er að sjálfsögðu firra. Við sýnum fólki virðingu með því að gagnrýna skoðanir þeirra.

Á að virða skoðanir annarra?

Ef listinn er skoðaður má svo sjá að þarna eru afskaplega lítil félög fyrir utan Þjóðkirkjuna og Fríkirkjuna. Hvað er t.d. FFWU - Heimsfriðarsamband fjölskyldna?

Stóra spurningin er hvort Þjóðkirkjan ætlar nú að virða sköpunartrú Sjöunda dags aðventista. Megum við eiga von á að Þjóðkirkjan fari að berjast gegn Þróunarkenningunni með aðventistunum?

Þess má geta að Vantrú var ekki boðið að taka þátt í þessu starfi.

Þrettán trúfélög stofna Samráðsvettvang trúfélaga

Þjóðkirkjan í grunnskólum

Það er afar ánægjulegt að sjá svo afdráttarlausa ályktun um starfssemi Þjóðkirkjunnar í opinberum grunnskólum hér á landi. 
Á Vantrú er nokkrar greinar um vinaleið og kristinfræðikennslu í grunnskólum.

 

• Trúvæðing grunnskólanna gegnum kærleiksþjónustu Þjóðkirkjunnar
• Trúarleg starfsemi í grunnskólum
• Hlutlausa skóla takk
• Skólaprestar og skóladjáknar

 

Ung vinstri - græn álykta um skólastarf

Skaðleg áhrif kristilegs siðgæðis

Þegar notast er við vonlausa hugmyndafræði til að takast á við vandamálin, þá er ekki nema von að árangurinn verði eftir því. Niðurstöður þessarar skýrslu, sem fjallað er um í þessari frétt, sýna svart á hvítu að ýmsir trúarhópar standa í vegi þeirra sem vilja stöðva útbreiðslu kynsjúkdóma og auka aðgengi fólks að getnaðarvörnum. Þar er páfinn í Róm fremstur meðal jafningja eins og fyrri daginn.

Heimskulegir fordómar gegn smokkanotkun eða öðrum getnaðarvörnum leiða einungis til þess að kynsjúkdómar grassera, sérstaklega í þróunarlöndunum. Það kemur einnig fram í fréttinni að 70.000 konur deyja árlega vegna ólöglegra fóstureyðinga, dauðsföll sem koma mætti auðveldlega í veg fyrir ef ekki væri fyrir áróður og áhrif kirkjunnar manna í Páfagarði og víðar. Manna sem margir hverjir, líkt og kaþólskir klerkar og páfinn sjálfur, hafa aldrei við konu kenndir og eiga engin börn sjálfir. Sér enginn hræsnina sem hér er á ferð?

Á síðasta ári var sýnd frétt í fréttaþættinum 60 Mínútur þar sem rætt var við Peter Bearman, prófessor í félagsfræði við Kólumbíuháskóla sem gerði ítarlega rannsókn á kynheilbrigði ungs fólks í Bandaríkjunum. Þar tók hann saman gögn um 20.000 ungmenni sem höfðu strengt svokallað skírlífisheit, í anda kristinna siðapostula. Niðurstöðurnar voru í stuttu máli þær að þetta skírlífisheit leiddi einfaldlega til þess að fólk stundaði óöruggara kynlíf og 88% rufu heitið á endanum.

Vonandi fara menn að sjá að sér í þessum málum og fari að styðja við bak þeirra sem beita sér fyrir raunhæfum aðgerðum gegn útbreiðslu kynsjúkdóma í stað þess að lifa í útóbískri heimsmynd sem er í engum tengslum við veruleikann.

Páfagarður og íhaldssamir trúarhópar í Bandaríkjunum sagðir hamla öruggu kynlífi

Íslendingar eru vantrúaðri á tilvist himnaríkis en Svisslendingar

Mogginn slær upp þessari frétt undir þeirri fyrirsögn að Svisslendingar trúi ekki lengur á tilvist himnaríkis. Sama hlýtur að eiga við um Íslendinga þar sem einungis 8.1% þeirra segjast trúa því að maðurinn rísi upp til samfélags við guð. Þetta kom fram m.a. í frétt hér á mbl.is og var fjallað um þetta fyrr á þessu ári á Vantrú.is.

Það er ánægjuleg þróun sem á sér stað í Evrópu um þessar mundir og vonandi heldur hún áfram á þessari braut.

Svisslendingar trúa ekki lengur á tilvist himnaríkis

Breytt heimsmynd kaþólskra

Nú hafa "sérfræðingar" Páfagarðs komist að þeirri djúpvitru niðurstöðu að líklega er Limbó ekki til. Hlýtur að vera undarlegt að lifa í þessum ævintýraheimi kaþólskunnar þar sem menn skálda upp veruleikann eftir hentisemi. Hvernig ætli "sérfræðingarnir" hafi komist að þessari niðurstöðu? Líklega hafa þeir lesið í gömlum skruddum eftir aðra "sérfræðinga" og túlkað þær upp á nýtt, ef ég þekki þessa mennsku steingervinga rétt. 

Páfagarður íhugar að leggja niður ,,limbó"

Fórnað á altari trúarinnar

Það er athyglisvert að velta því fyrir sér hvað fær fullorðna menn til að höggva niður fíkjutré vegna orðróms um að það hafi haft yfirnáttúrulega krafta. Svona menn hafa stundum verið kallaðir ömmumúslimar, vegna þess hversu nærri sér þeir taka allt sem gæti móðgað trú þeirra.

Hjuggu niður 100 ára gamalt tré vegna meintra ofurkrafta þess

Krosslausi fáninn

En allavega höfðu Grænlendingar vit á að sleppa krossinum úr fána sínum.  Það er aðdáunarvert.

Minnir á ljóð sem Helgi Hóseasson skrifaði um málið: Já, - sko þá! 

Segir grænlenska fánann virðast ættaðan frá dönskum siglingaklúbbi

Áskorun til alþingismanna

Í tilefni af setningu Alþingis hefur Vantrú sent þingmönnum áskorun þess efnis að þeir sniðgangi hina hefðbundnu guðsþjónustu við upphaf þingsetningar.

Alþingi sett